ಅನಂತಪುರ: ಸರಕು ಸಾಗಣೆ ರೈಲು ತನ್ನ ಮೇಲೆ ಹರಿದುಹೋಗುವುದರಿಂದ ಕೂದಲೆಳೆ ಅಂಚಿನಲ್ಲಿ ಪಾರಾಗಿರುವ ಘಟನೆ ಆಂಧ್ರಪ್ರದೇಶದಲ್ಲಿ ನಡೆದಿದೆ. 

ಅನಂತ ಪುರ ರೈಲ್ವೆ ನಿಲ್ದಾಣದಲ್ಲಿ ಈ ಘಟನೆ ನಡೆದಿದ್ದು, ಲಖನೌ-ಯಶವಂತಪುರ ರೈಲು ಹೊರಟ ನಂತರ ವ್ಯಕ್ತಿಯೋರ್ವ ಪ್ಲಾಟ್ ಫಾರ್ಮ್ 2 ರಿಂದ 1 ಕ್ಕೆ ಹೋಗಬೇಕಾದರೆ ಮೇಲ್ಸೇತುವೆ ಬಳಕೆ ಮಾಡದೇ ಹಾಗೆಯೇ ಹಳಿ ದಾಟುವಾಗ  ಗೂಡ್ಸ್ ರೈಲು ಸಹ ಅದೇ ಪ್ಲಾಟ್ ಫಾರ್ಮ್ ನಲ್ಲಿ ಹೊರಟಿದೆ. ಆದರೆ ಧೈರ್ಯಗೆಡದ ವ್ಯಕ್ತಿ ಹಳಿಯ ಮೇಲೆ ಅಪಾಯವಾಗದಂತೆ ಮಲಗಿದ್ದಾರೆ. ರೈಲು ಹೋದ ನಂತರ ಎದ್ದು ಆರಾಮಾಗಿ ಹೆಜ್ಜೆ ಹಾಕಿದ್ದಾರೆ. ಈ ಘಟನೆಯನ್ನು ವ್ಯಕ್ತಿಯೋರ್ವರು ವಿಡಿಯೋ ಮಾಡಿಕೊಂಡಿದ್ದು ಈಗ ಆ ವಿಡಿಯೋ ವೈರಲ್ ಆಗಿದೆ. 

ಹತ್ತಿರ ಹತ್ತಿರ 1 ನಿಮಿಷದ ವರೆಗೂ ವ್ಯಕ್ತಿ ರೈಲು ಹಳಿಗಳ ಮೇಲೆ ಅಪಾಯವಾಗದಂತೆ ಮಲಗಿದ್ದ ಎಂದು ರೈಲ್ವೆ ಪೊಲೀಸರು ಹೇಳಿದ್ದಾರೆ. ಪ್ರಯಾಣಿಕ ರೈಲು ಹಳಿಯನ್ನು ದಾಟುವುದಕ್ಕೆ ಫುಟ್ ಓವರ್ ಬ್ರಿಡ್ಜ್ ನ್ನು ಬಳಕೆ ಮಾಡದೇ ಇರುವುದೇ ಈ ಘಟನೆಗೆ ಕಾರಣ ಎನ್ನಲಾಗುತ್ತಿದೆ.